- Published: 24 September 2021
Frábært tækifæri til að kynnast hestamennsku í öruggu umhverfi.
Í vetur mun Sleipnir starfrækja félagshesthús þar sem börnum og unglingum á aldrinum 12-16 ára býðst að stunda hestamennsku undir öruggri leiðsögn menntaðra reiðkennara frá Hólaskóla.
Mánaðagjald er 32.500 kr. og innfalið er öll reiðtygi, hestur, reiðkennsla og aðgangur að frábæru æskulýðsstarfi Sleipnis. Vinsamlegast athugið að þátttakendur þurfa að koma með eigin hjálm.
Kennd verða undirstöðuatriði í umhirðu hesta og reiðmennsku.
Markmið námskeiðsins er að nemendur öðlist færni og sjálfstæði til þess að geta haldið hesta í framtíðinni. Æfingar verða þrisvar sinnum í viku í fráærri aðstöðu, tveir verklegir tímar og einn bóklegur / fræðslu tími.
Þá býðst sjálfstæðum unglingum sem eiga sinn hest en vilja kynnast frábærum félagsskap að leigja hesthúspláss í félagshúsinu.
Allar nánari upplýsingar um félagshúsið veitir Linda Björgvinsdóttir, formaður æskulýðsnefndar Sleipnis. E-mail: aeskulydsnefnd@sleipnir.is eða í síma 898-9592.
