Í haust hafa ýmsar framkvæmdir átt sér stað á félagssvæðinu.

Við erum að gera upp sjoppuna og stendur til að ljúka þeirri vinnu fyrir áramótin. Sjoppan var lagfærð að utanverðu í sumar fyrir Íslandsmót barna og unglinga en nú hafa þak, gluggar, gólf og veggir verið endurnýjað. Það verður gaman að vígja nýja sjoppu á næsta viðburði á Brávöllum sem verður vonandi snemma á næsta ári. 

Viðbygging reiðhallar hefur verið lokað fyrir veðri að mestu, nýlega var efni bætt í gólfið, hurðir settar upp og gengið frá flasningum en til stendur að setja upp glugga á austurgaflinn fljótlega. Hriggerðið er nú inni í viðbyggingunni tilbúið til notkunar þar. Eftir stendur að tengja inngang viðbyggingar við lyklakerfi sem mun bæta aðkomuna með því að ekki þarf lengur að halda hurð opinni meðan farið er inn og út úr höllinni. 

Vinna við nýtt anddyri inn í reiðhöllina að norðanverðu er hafin, sökklar hafa verið steyptir og stendur til að steypa plötu, reisa grind og loka byggingunni fyrir veturinn. Það verður mikill munur að ganga um aðal innganginn á viðburðum eftir þessar breytingar.

 

Planið austan við reiðhöllina hefur verið stækkað til muna sem auðveldar aðkomu og bætir athafnasvæði utan hallarinnar en þessi hlið er mest notuð þegar mót og viðburðir eru í höllinni.

Næstu helgi stendur til að setja upp vökvunarkerfi í reiðhöll félagsins og skipa um perur í loftljósum.

 Framkvæmdir á vegum Árborgar, sem kynntar voru á fundi með formönnum nefnda 2019 og á síðustu tveimur aðalfundum(sjá t.d. aðalfundargerð hér á vefnum) eru langt komnar en sú framkvæmd bætir innkeyrslu inn í hesthúsahverfið sem hefur verið nánast ófær litlum bílum vegna hola. Reiðvegur, sem á samkvæmt teikningu, að liggja meðfram götunni vestan megin frá suðri til norðurs er ófrágenginn og stendur til að ræða við Árborg um útfærslu á þeirri framkvæmd vegna kvartana sem hafa borist um ófullnægjandi frágang.

Sveitarfélagið samþykkti í sumar að bæta lýsingu á svæðinu með því að setja upp tvo ljósastaura við þjálfunargerðið, einn við hringgerðið og þrjá við reiðgötuna sem liggur frá austurenda Suðurtraðar í átt að Gaulverjabæjarvegi. Verkefnastaða hjá Selfossveitum hefur tafið framkvæmdina.

Um þessar mundir er í kynningu undirbúningsvinna fyrir breytingu á aðalskipulagi sveitarfélagsins sem m.a. felur í sér minni stækkun svæðisins til suðurs en gert er ráð fyrir á núgildandi aðalskipulagi. Íbúafundur var haldinn 3. nóvember á netinu en upplýsingar um fundinn og kynningargögn má nálgast á vef sveitarfélagsins www.arborg.is.

Stjórn Sleipnis vinnur nú að því að skila inn umsögnum um þessa tillögu að skipulagsbreytingu, til skipulagsfulltrúa fyrir hönd félagsins.   

Við hvetjum félagsmenn til að fylgjast með starfinu, vefsíðan, fréttabréfin og Fésbókarsíða félagsins eru tenging stjórnar og nefnda félagsins við félagsmenn og mikilvægt að fylgjast með þar.  

 

 

 

26 Nov, 2020

Skráning í Sleipni

hnappur skrafelagid

Sækja um WF

hnappur WFadgangur

Fréttabréf Sleipnis

hnappur frettabref

Persónuvernd

hnappur personuvernd

Stefnumótun 2020

Stefnumotun 2020

Reiðhöll dagatal


Nóvember
26Nóv Fim 8:00 - 12:00 Lokuð vegna þrifa 
26Nóv Fim 15:00 - 17:00 FSU- kennsla 
27Nóv Fös 10:10 - 12:20 FSU kennsla 

Hliðskjálf dagatal


Nóvember
27Nóv Fös 12:00 Frátekið v. LH Fjarþings 
30Nóv Mán 16:00 - 17:00 Frátekið stjórn 
30Nóv Mán 19:00 - 22:00 Frátekið v Húsnefnd 

Styrktaraðilar

Innskráning ritstjóra



Hverjir eru tengdir

We have 172 guests and no members online

Flettingar á síðu

Users
4
Articles
1837
Articles View Hits
4597161