Þann 7. júní hittust aðilar frá Landform sem vinnur að deiliskipulagi fyrir allt svæði Sleipnis, skipulagsfulltrúi Árborgar og formaður félagsins á Svæðinu.

Gengið var um svæðið og velt upp möguleikum á lausnum varðandi umferð akandi og ríðandi, kerrustæði, byggingar og framtíðarmöguleikar á keppnissvæðinu okkar.

Reiðleiðin kringum svæðið var skoðuð (Byko hringurinn) og rætt um stækkun hans með tengingu við nýju lóðina þar sem fyrirhugað er að hafa upplýsta reiðleið.

Rætt var um aðskilnað milli reiðvegar og lóða við Larsen stræti sem snúa að reiðveginum en þar verður að skerma af bæði sjón og hljóðmengun frá íþróttasvæðinu.

Rætt var um mön eða aðskilnað milli byggingarsvæðis sunnan Sleipnis svæðis til að lágmarka truflun vegna umferðar. 

Það verður spennandi að sjá tillögur að deiliskipulagi frá Landform í haust.

Skeiðleikar 2 verða haldnir á Brávöllum á Selfossi miðvikudaginn 8.júní og hefjast þeir klukkan 20:00.  Skráning er nú hafin og velja þarf Skeiðfélagið sem mótshaldara inn á Sportfeng. Skráningu lýkur Þriðjudagskvöldið 7.júní

Skeiðleikarnir eru með hefðbundnu sniði en byrjað er á 250 metra skeiði, þá keppt í 150 metra skeiði og endað á 100 metra skeiði.

Skeiðfélagið hvetur alla knapa til að taka þátt enda til mikils að vinna – 100.000 króna gjafaúttekt í Baldvin og Þorvaldi fyrir heildarsigurvegara og farandbikarinn Öderinn veittur stigahæsta knapa.

Skeiðfélagið

Æfingatímar á Aðalvelli eru komnir inn á vef landsmóts sjá meðfylgjandi tengil: https://www.landsmot.is/is/knapar/aefingatimar

Sunnudagur 5.júní - seinni dagur 

 09:00 – 10:00 – A-flokkur

10:00 – 10:50 – B-flokkur Ungmenna.

10:50 – 11:40 – Barnaflokkur

11:40 – 12:40 – HÁDEGISMATUR

12:40 – 13:40 – Unglingaflokkur

13:40 – 15:00 – B-flokkur