Æskulýðsnefnd stóð fyrir óvissuferð á Uppstigningadag. Skráning var góð og fylltum við 30 manna rútu. Dagurinn byrjaði upp úr kl.8 í Hliðskjálf við að hella upp á kaffi, smyrja nesti og ganga frá í lestinni. Við lögðum síðan af stað upp úr kl. 9 og fyrsta stopp var í Hveragerði þar sem Guðrún Hafsteinsdóttir, markaðsstjóri Kjöríss, tók á móti okkur. Við fengum fyrirlestur um starfsemina og allir fengu ís að smakka. Síðan var haldið vestur yfir heiðina og rennt í hlaðið hjá Hellisheiðarvirkjun. Þar tók á móti okkur Auður Björg.

Lesa meira...

Kynbótasýningar eru nú í fullum gangi á Brávöllum og má segja að veðrið leiki við okkur. Þær hófust á mánudaginn og er stíf dagskrá frá morgni til kvölds. Sigurjón Haraldsson er mættur á svæðið upp úr sjö á morgnana til að valta, vökva og sjá um að allt sé klárt þegar byrjað er. Æskulýðsnefnd er með kaffihorn í Reiðhöllinni og sér dómurum og öðrum fyrir heitu kaffi, þar stendur Guðlaug Bára vaktina.
Hér að neðan eru nokkra myndir, teknar nú eftir hádegið.

Vígsla Sleipnishallarinnar  laugardaginn 26. maí nk.

Sleipnismenn ætla nú að vígja Reiðhöllina sína, Sleipnis höllina við Brávelli á laugardegi til lukku hinn 26. maí nk. Taktu frá daginn hvort sem þú ert hestamaður eða ekki. Þennan dag mun hófadynur nálgast Selfoss úr öllum áttum gert er ráð fyrir eitt þúsund hestareið. Aldrei í sögunni munu jafn margir ríðandi menn stefna til hátíðar á Selfossi nema ef vera skyldi að vígslu Ölfusárbrúar 1891. Menn munu nú koma úr öllum áttum Sleipnismenn svo og fólk og vinir Sleipnismanna úr nágrannasveitum af höfuðborgarsvæðinu svo og Ölfusingar, Hvergerðingar, uppsveitamenn, Rangæingar og Skaftfellingar.

Lesa meira...