Laugardaginn 31.08.2019 er fyrirhuguð síðsumarsferð okkar Sleipnisfélaga. Við ætlum að ríða/fara niður að Félagslundi og ríða um nýlagfærðan/gerðan reiðveg með Gaulverjabæjarvegi sem reiðveganefndin hefur staðið fyrir. Þetta verður einskonar víxla á veginum.
Við ætlum að ríða frá Kríunni klukkan 14:00, þeir sem það vilja geta mætt þar einhverju fyrr og notið veitinga á meðan beðið er brottfarar. Við ríðum svo niður með Gaulverjabæjarvegi að Félagslundi. Þar mun kvennfélagið bjóða upp á kaffiveitingar gegn vægu gjaldi. Þá verða einnig í boði, einnig gegn vægu gjaldi, aðrar veitingar, söngur og gleði. Heimsþekktir frændur (alla vega hjá okkur Sleipnisferðafólki) munu slá á gítara og leiða okkur í nokkrum góðum lögum.
Sett verður upp áningahólf nærri félagsheimilinu þannig að allir ættu að geta geymt hrossin sín þar á meðan.

Með bestu kveðjum
Ferða- og reiðveganefnd

Meðan á kynbótasýningum stendur á Brávöllum þessa vikuan eru hlutaðeigandi beðnir um að vera ekki með hesta í beitarhólfum þar og fjarlægja ef einhverjir eru .

Við Sleipnisfélagar erum stolt af okkar keppnisfólki, 5 af þeim unnu til 7  Íslandsmeistaratitla á nýliðnu Íslandsmóti í Víðidal.
Þau voru félaginu til sóma á mótinu. 

Þau eru:

  • Olil Amble Íslandsmeistari í fimmgang meistaraflokk með Álfarinn frá Syðri - Gegnishólum
  • Glódís Rún Sigurðardóttir Íslandsmeistari í tölti ungmenna með Stássu frá Ibishóli.
  • Védís Huld Sigurðardóttir Íslandsmeistari í fjórgangi og fimi í unglingaflokki með Hrafnfaxa frá Skeggstöðum 

Í samanlögðum greinum urðu :

  • Sigursteinn Sumarliðason íslandsmeistari í samanlögðum fimmgangsgreinum með Krókus frá Dalbæ 
  • Gyða Sveinbjörg Kristinsdóttir Íslandsmeistari í samanlögðum fjórgangsgreinum ungmenna.
  • Védís Huld Sigurðardóttir Íslandsmeistari í samanlögðu í unglingaflokki.

Við í stjórn Stjórn Sleipnis óskum þeim til hamingju með titla sína og  óskum þeim alls hins besta.

Stjórnin.

View the embedded image gallery online at:
http://sleipnir.is/index.php#sigProId39e56c60cc

Í kvöld fóru fram  þriðju Skeiðleikar Baldvins og Þorvaldar og Skeiðfélagsins að Brávöllum á Selfossi. Keppt var venju samkvæmt í 250 metra skeiði, 150 metra skeið og 100 metra skeiði.

Nú eins og undanfarinn ár er keppt í stigakeppni sem nær yfir allt keppnistímabilið.

Til mikils er að vinna í heildarstigakeppninni þar sem hestavöruverslunin Baldvin og Þorvaldur gefa heildarsigurvegara ársins 100.000 króna gjafaúttekt í verslun sinni.

Heildarsigurvegari skeiðleika vinnur einnig farandbikar sem gefinn er af Gunnari Arnarssyni og Kristbjörgu Eyvindsdóttur til minningar um Einar Öder Magnússon

250 metra skeið

Read more: Skeiðleikar Baldvins og Þorvaldar. Allir tímar og niðurstöður greina

Við höfum hug á að fá gamlar myndir af skjaldarhöfum Sleipnis frá árum áður ásamt ítarlegri upplýsingum um hvaðan hestarnir voru kenndir þar sem á vantar á listanum.

Við teljum okkur vita hverjir hestarnir eru samanber lista á vefsíðu og erum búinn að bæta inn upplýsingum frá því sem áður var getið á heimasíðu Sleipnis en það mætti enn bæta inn upplýsingum.

Ef eigendur eða aðrir velunnarar gætu sent myndir af þeim í verðlaunaafhendingu með skjöldinn (eða ekki) þá myndi okkar kæri vefsíðustjóri setja þær sem hlekk við nöfn hestana undir saga Sleipnis /merkisgripir / Sleipnisskjöldur. Þar er listi yfir skjaldarhafa frá upphafi. Komnar eru inn myndir fyrir fjóra  Sleipnisskjaldhafa á listanum og einnig hefur listi Klárhestaskjalhafa verið uppfærður. Þetta er töluverð handavinna og verður uppfært eftir því tími er til sem og  myndir finnast / berast. 
Hér að neðan eru  tenglar á þær síður sem breytingum hafa tekið:
Sleipnisskjaldhafar
Klárhestaskjöldur

Myndir og efni sendist á netfangið: stjorn@sleipnir.is

Einnig er hafin  vinna við að skanna inn úr gömlum fundagerðabókum og setja inn á  heimasíðuna eldri  fundagerðir og má finna þær undir slóðinni: Saga Sleipnis/Skjöl/Fundagerðir stjórnar/Gamlar_fundagerdir.

Þetta er merkileg saga sem við eigum og ættum að gera okkar besta í að varðveita.

Kv. Stjórnin

Dagskrá og ráslistar

Í kvöld fara fram þriðju Skeiðleikar ársins á Brávöllum á Selfossi. Leikarnir hefjast klukkan 19:30 á keppni í 250 metra skeiði.

Nú eins og undanfarinn ár er keppt í stigakeppni sem nær yfir allt keppnistímabilið.

Til mikils er að vinna í heildarstigakeppninni þar sem hestavöruverslunin Baldvin og Þorvaldur gefa heildarsigurvegara ársins 100.000 króna gjafaúttekt í verslun sinni. Heildarsigurvegari skeiðleika vinnur einnig farandbikar sem gefinn er af Gunnari Arnarssyni og Kristbjörgu Eyvindsdóttur til minningar um Einar Öder Magnússon

Keppendur eru beðnir um að greiða skráningargjöld í dómpalli á mótsstað.

Read more: Þriðju Skeiðleikar Baldvins og Þorvaldar

Æskiulýðsnefnd Sleipnis stóð fyrir teymingum undir börnum í Sleipnishöllinni á 17.júní og lögðu fjölmargir leið sína á hestbak í boði nefndarinnar. Malín bauð einnig upp á rúnt í hestvagninum.Fjórir glæsilegir Sleipnisknapar tóku svo þátt í fánareið skrúðgöngunnar og var Malín þar einnig með í för.

Hér að neðan eru nokkrar myndir frá deginum

View the embedded image gallery online at:
http://sleipnir.is/index.php#sigProIdae97367f86

Þriðju Skeiðleikar sumarsins

Þriðju skeiðleikar Baldvins og Þorvaldar sumarið 2019 verða haldnir á Brávöllum á Selfossi miðvikudagskvöldið 24.júlí. Skráning er í gegnum Sportfeng þar sem velja þarf Skeiðfélagið sem aðildarfélag Skráningarfrestur er frá og með kvöldinu í kvöld fram á mánudaginn 22.júlí

Nú eins og undanfarinn ár er keppt í stigakeppni sem nær yfir allt keppnistímabilið. 

Til mikils er að vinna í heildarstigakeppninni þar sem hestavöruverslunin Baldvin og Þorvaldur gefur stigahæsta knapa ársins 100.000 kr gjafabréf í verslun sína. Heildarsigurvegari skeiðleika vinnur einnig farandbikar sem gefinn er af Gunnari Arnarssyni og Kristbjörgu Eyvindsdóttur til minningar um Einar Öder Magnússon

More Articles ...

Page 1 of 167

22 Aug, 2019

Skráning í Sleipni

hnappur skrafelagid

Sækja um WF

hnappur WFadgangur

Fréttabréf Sleipnis

hnappur frettabref

Persónuvernd

hnappur personuvernd

Á döfinni í reiðhöll


Ágúst
22Ágú Fim 8:00 - 12:00 Lokuð vegna þrifa og vökvunar reiðsvæðis 
26Ágú Mán 8:15 - 10:10 Frátekin v. FSU Hestabraut 
29Ágú Fim 8:00 - 12:00 Lokuð vegna þrifa og vökvunar reiðsvæðis 

Styrktaraðilar

Innskráning ritstjóra



Hverjir eru tengdir

We have 196 guests and no members online

Flettingar á síðu

Users
4
Articles
1634
Articles View Hits
2880187