Reiðhöll og Hliðskjálf

Félagsheimilið Hliðskjálf:

Ingibjörg Stefánsdóttir tekur við pöntunum vegna leigu á Hliðskjalf í síma 864-2972, netfang: ingibjostef@gmail.com
Sjá má bókunarstöðu félagsheimilis HÉR.

 

Reiðhöllin:

Reiðhallarnefnd

Dagleg umsjón reiðhallar: Ingvar Jónassomn  gsm. 893-1341

Innkoma í reiðhöll:

Ganga inn að austanverðu   um gönguhurð á miðri höll

Notkunarreglur Reiðhallar:

Handhafar árs-og mánaðarkorta hafa aðgang að höllinni þegar hún er ekki í annarri notkun t.d. einkatímar,námskeið og sýningar.  Miðað er við að höllin sé í notkun frá kl. 09.00-22.00. Sjá má bókunarstöðu reiðhallar HÉR.

Handhafar árs- og mánaðarkorta hafa leyfi til að hafa börn sín undir 16 ára með sér í höllinni án þess að greiða fyrir þau.  Börnin mega ekki vera ein í höllinni og eru þar ávallt á ábyrgð foreldranna. Nánari upplýsingar um aðgang og sölu aðgangslykla að reiðhöll er hægt að nálgast :  hér

Miðað er við að hver og einn sé ekki lengur en einn klukkutíma í höllinni í senn bíði aðrir eftir því að nota höllina.
Heimilt er að átta hestar þ.e. séu á reiðgólfi í einu.

Þeir sem keypt hafa einkatíma í höllinni hafa hana einir til umráða, tengiliður vegna reiðhallar er Karl Hreggviðsson netfang oseyri@oseyri.is og í síma 618-2122.

Varðandi leigu á reiðhöllinni þá skal hafa samband við Sigurvalda R.Hafsteinsson í síma: 897-1299 / e-mail: sleipnir@sleipnir.is , sem veitir allar nánari upplýsingar.

Notendur hallarinnar skulu ganga snyrtilega um m.a. þrífa upp hestaskít og annað rusl.  Verði notendur uppvísir að slæmri umgengni er stjórn hallarinnar heimilt að banna þeim afnot af höllinni.  Séu þeir búnir að greiða fyrir afnot af höllinni fram í tímann fá þeir það ekki endurgreitt.

Knöpum er skylt að nota hjálm í reiðhöll. Á þetta við um alla, atvinnu og áhugamenn.

Bæði notendur hallarinnar og gestir eru ávallt í höllinni á eigin ábyrgð.

Notendur hallarinnar skulu sýna hver öðrum tillitssemi og vera öðrum til fyrirmyndar í hvívetna.

Stjórn hallarinnar hefur ávallt heimild til að taka höllina undir sýningar eða aðra starfsemi og verða þá almennir notendur að víkja.

Hundar er bannaðir í höllinni

Reykingar eru bannaðar


Umferðareglur í reiðhöll

1. Látið vita áður en teymt er inn á völlinn. Farið á bak og af baki inn á miðjum velli en ekki á reiðleiðum í útjaðri vallar.

2. Fetgangur skal riðinn á innri sporaslóð þegar aðrir knapar ríða á hraðari gangtegund á ytri sporaslóð. Þeir sem ríða hægari    gangtegund skulu ávallt víkja fyrir þeim er hraðar fara.

3. Tvær hestlengdir skulu ávallt milli hesta. Ekki má ríða hlið við hlið eða hafa tvo hesta til reiðar.

4. Hægri umferð gildir þegar knapar mætast úr gagnstæðri átt ef riðinn er sami hraði. Undantekning frá því er ef annar knapi ríður hraðar skal honum eftirlátin ytri sporaslóð.

5. Knapi sem ríður bauga, á hringnum, eða aðrar reiðleiðir inni á velli veitir þeim forgang sem ríða allan völlinn á sporaslóð

6. Ekki má stöðva hestinn á sporaslóð. Stöðva skal inni á miðjum velli nema samkomulag sé í milli þeirra er stunda æfingar á vellinum hverju sinni.

7. Hringtaumsvinna fer ekki saman við þjálfun í reið og skal víkja nema um annað sé sérstaklega samið

8. Forðast skal að ríða þvert í veg fyrir aðra knapa.

9. Fylgja ber hefðbundnum reiðleiðum á vellinum.

10. Ekki má hafa lausa hesta á vellinum meðan á reiðþjálfun stendur.

11. Knapar skulu sýna kurteisi og tillitssemi og forðast óróa eða hávaða.

12. Knapar og gestir eru á eigin ábyrgð í höllinni.

 

13 Dec, 2018

Skráning í Sleipni

hnappur skrafelagid

Sækja um WF

hnappur WFadgangur

Fréttabréf Sleipnis

hnappur frettabref

Á döfinni í reiðhöll


Desember
13Des Fim 8:00 - 12:00 Lokuð vegna þrifa og vökvunar reiðsvæðis 
20Des Fim 8:00 - 12:00 Lokuð vegna þrifa og vökvunar reiðsvæðis 
27Des Fim 8:00 - 12:00 Lokuð vegna þrifa og vökvunar reiðsvæðis 

Styrktaraðilar

Innskráning ritstjóra



Flettingar á síðu

Users
4
Articles
1538
Articles View Hits
2469325