Vinna við reiðhöllina okkar er enn í fullum gangi og ekki verður slegið af um þessa helgi í þeim efnum.

Fyrstu menn ætla að mæta upp úr 9 á morgun, föstudag, og fleiri koma svo eftir hádegi. Laugardag klukkan 8:00 og svo tökum við sunnudaginn klukkan 9:00

Góðir félagar ætla að taka að sér matseld um helgina og verður hádegismatur í Hliðskjálf laugardag og sunnudag.

Verkefnin sem á að taka fyrir um helgina eru að klára langböndin á gafflana, klára leggja krossvið á úthringinn og koma af stað járnklæðningunni utan á veggina.

Mikið liggur fyrir og hægt verður að nýta alla þá aðstoð sem býðst um helgina, öll handtök, hvort sem það er að negla, saga, elda, kítta eða handlanga nýtist og hjálpar okkur að ná settu markmiði.

Við hvetjum alla sem vilja leggja til aðstoð sína hvort sem það er þessa helgi, virka daga eða næstu helgar til að hafa samband við einhvern úr stjórninni eða bara láta sjá sig á verkstað.

Eins og Guðni sagði í Hesthúshorni Sleipnis nú í vikunni, "Við förum þetta á bjartsýninni og með samstilltu átaki náum við markmiði okkar".

Góða helgi