Ólafur Andri Guðmundsson reiðkennari ætlar að heimsækja Sleipnisfélaga og nærsveitunga fimmtudaginn 22. nóvember kl. 20. Ólafur Andri er Sleipnisfélögum góðu kunnugur en hann heimsótti okkur einnig fyrir árisíðan og var með sýnikennslu sem áhorfendur létu vel af. Það er því tilvalið að skella sér í reiðhöllina að Brávöllum og eiga góða kvöldstund með Ólafi og öðrum því eins og máltækið segir: Maður er manns gaman, ekki verra ef hestur er með.
Inngangseyrir er kr. 500 við innganginn (ekki posi) og heitt verður á könnunni.

Hlökkum til að sjá ykkur sem flest.
Fræðslunefnd Sleipnis

Fræðsluhefnd Sleipnis býður félagsmönnum uppá námskeið með Ragnhildi Haraldsdóttur reiðkennara. Námskeiðið er haldið að Vallartröð 9 og verða hestar á staðnum.
Námskeiðið er sætisæfinganámskeið þar sem farið verður yfir ásetu hvers og eins nemanda og unnið í helstu vandamálum hvers og eins. Hver og einn vinnur í hringtaum ásamt kennara í 30 mín í einu og kennt verður laugardag og sunnudag, 1 tími á mann hvorn dag. Gott er fyrir þátttakendur að horfa á aðra en ekki nauðsynlegt. Til að við náum að þjálfa hestinn okkar sem best er nauðsynlegt að við séum í sem bestu jafnvægi og líkamsstöðu á baki hestsins til að geta gefið honum rétta ábendingar með likamsbeitingu okkar.
Í boði eru 6 pláss og verður kennt helgina 17. – 18. nóvember næstkomandi, laugardag kl. 10 – 13 og sunnudag kl. 13 - 16. Verð kr. 8000 og skráning fer fram á http://skraning.sportfengur.com/SkraningNamskkort.aspx?mode=add
Kær kveðja,
Fræðslunefnd Sleipnis

Síðustu forvöð að ná sér í miða á Árshátíðina
Frábær hátíð framundan,
Gísli Guðjóns, Guðni Ágústsson, Dóri DNA og Stuðlabandið.
Miðasölu lýkur fimmtudaginn 18. okt.
Verð aðeins 7.200 fyrir veislumat, skemmtiatriði og ball.
Ósóttar pantanir verða seldar 19.okt.
Fjölmennum Sleipnisfélagar, bjóðum með okkur gestum og eigum frábæra kvöldstund saman.
Miðasala í Baldvin og Þorvaldi, hægt að panta miða í síma 482 1900

Arshadid2018a

Hestamannafélagið Sleipnir hélt árshátíð sína í Hvíta húsinu 20 okt. með hefðbundnum dagsskrárliðum. Í ræðu formanns kom fram að Hestamannafélagið Sleipnir er mjög öflugt um þessar mundir, félagsstarf mjög virkt sem kallar á aukna uppbyggingu á félagssvæðinu með tilkomu hestabrautar og annarrar aukinnar starfsemi á svæðinu. Fjárhagur er í bata og margir að nýta Sleipnishöllina sem byggð var í sjálfboðavinnu sér í lagi unga fólkið. Það er að þakka öflugum félagsmönnum sem hafa unnið félaginu gríðarlega mikið gagn undanfarinn ár og fá þannig vinnuframlag sitt til baka að sjá hvað það er að gera fyrir starfið í dag. Stefnt er að ca. 250 m2viðbyggingu við austanverða Sleipnishöll á næsta ári. Stefnum svo á enn frekari uppbyggingu á svæðinu á næstu árum, með bættri lýsingu og uppbyggingu reiðleiða um hverfið og nágrenni. Við erum enn að vaxa sem félag félagatalið að nálgast 600 félaga sem er ríflega 6 % allra íbúa á félagssvæði Sleipnis. 

Read more: Uppskeru- Árshátíð Sleipnis 2018

Við minnum á að skráning á frumtamninganámskeið með Robba Pet er í fullum gangi. Félagsmenn eru hvattir til að skrá sig ef þeir eiga tryppi sem þarf að frumtemja. Eins og staðan er núna vantar 6 aðila til að grundvöllur sé fyrir því að námskeiðið verði haldið.
Skráning fer frá inná skraning.sportfengur.com

Bestu kveðjur,
Fræðslunefndin

Kæru foreldrar/forráðamenn,

Uppskeruhátíð Æskulýðsnefndar Sleipnis verður haldin í Hliðskjálf fimmtudaginn 1. nóvember kl. 19. Við munum rifja upp það sem við gerðum sl. vetur, veita viðurkenningar fyrir námskeið og spjalla saman um hvað við viljum gera næsta vetur. Allar hugmyndir vel þegnar

Að þessu sinni er hugmyndin að hafa "Pálínuboð" og viljum við því biðja hvern og einn að koma með eitthvað gott í munninn sem við setjum á sameiginlegt "veisluborð".
Æskulýðsnefnd mun útvega pappadiska, hnífapör og drykkjarföng.

kv. Æskulýðsnefnd Sleipnis

Árshátíð Sleipnis verður haldin í Hvíta húsinu þann 20.okt. nk. Forsala miða hefst þann 1.okt. í Baldvin og Þorvaldi. Miðaverð með mat, skemmtun og balli er kl. 7.200. Húsið opnar kl. 19 með fordrykk, borðhald hefst kl. 20. Miðaverð á ball eftir borðhald og skemmtiatriði er kr. 3.000

Skemmtinefnd

auglysing

Kynningarfundir fyrir Töltskvísur Suðurlands verða haldnir dagana 24. okt og 25. okt kl. 20. Miðvikudaginn 24. október kl. 20 verður fundurinn í reiðhöllinni á Flúðum og fimmtudaginn 25. október í Hlíðskjálf, félagsheimili Sleipnisfélaga, á Selfossi.

Read more: Kynningarfundur

More Articles ...

Page 10 of 167

18 Jun, 2019

Skráning í Sleipni

hnappur skrafelagid

Sækja um WF

hnappur WFadgangur

Fréttabréf Sleipnis

hnappur frettabref

Persónuvernd

hnappur personuvernd

Á döfinni í reiðhöll


Júní
20Jún Fim 8:00 - 12:00 Lokuð vegna þrifa og vökvunar reiðsvæðis 
27Jún Fim 8:00 - 12:00 Lokuð vegna þrifa og vökvunar reiðsvæðis 

Júlí
4Júl Fim 8:00 - 12:00 Lokuð vegna þrifa og vökvunar reiðsvæðis 

Styrktaraðilar

Innskráning ritstjóra



Hverjir eru tengdir

We have 339 guests and no members online

Flettingar á síðu

Users
4
Articles
1626
Articles View Hits
2756340