Stjórn Sleipnis boðaði til formanna- nefndafundar þann 14. Nóvember síðastliðinn í félagsheimilinu Hliðskjálf. Mæting á fundin var mjög góð, yfir þrjátíu félagar mættu, nefndarformenn og nefndamenn.
Á nefndarfundum er farið yfir starf líðandi árs, nefndir flytja skýrslur um starfið og umræður þar um. Farið er yfir komandi starfsár og nefndaskipan á komandi starfsári. Stjórn bauð upp á kaffi og léttar veitingar í fundahléi.
Er dagskrá fundar var tæmd var tekið frekari spjall um komandi starfsár sem og veitingum gerð frekari skil.
Stjórn kynnti sérstaklega stækkun á hesthúsasvæðinu á Selfossi til suðurs eða um 5,8 ha.
Einnig kynnti stjórn hugmyndir að hólfaskiptingu á beitarsvæði í landi Laugardæla, sjá fundagerð.
Stjórn Sleipnis vill þakka öllu nefndarfólki og félagsmönnum fyrir það ómetanlega sjálfboðastarf sem innt hefur verið af hendi á árinu.
Fundagerð formannafundarins er aðgengileg á vef Sleipnis.
Stjórnin.
{gallery}Formannafundur_2019{/gallery}
