Æska Suðurlands 2019
Samvinnuverkefni hestamannafélaga á suðurlandi, Smári, Logi, Trausti, Sleipnir, Ljúfur, Háfeti, Geysir og Sindri mun fara á stað í vetur. Verkefnið er keppnismótaröð fyrir æskuna í þessum hestamannafélögum sem telur 3 sunnudaga og 6 keppnisgreinar. Keppni hefst kl 11:00.
Keppt verður í eftirfarandi:
Barnaflokki – þrígangur, fjórgangur V2, tölt T7, smali, hindrunarstökk og fimi A
Unglingaflokki – fjórgangur V2, fimmgangur F2, tölt T3, smali, hindrunarstökk og fimi A
Ungmennaflokki – fjórgangur V1, fimmgangur F1, tölt T1, smali, hindrunarstökk og fimi A2
Allar keppnir verða svo auglýstar betur þegar nær dregur.
Keppt verður á eftir farandi stöðum:
Flúðum 3.mars 2019 umsjón Smári, Logi, Trausti (æfingartími föstudag 1.mars kl 17:00)
Börn – þrígangur og smali
Unglingar – fjórgangur V2 og smali
Ungmenni – fjórgangur V1 og smali
Rangárhöllinni á Hellu 17.mars 2019 umsjón Geysir, Sindri (æfingartími föstudag 15.mars kl 17:00)
Börn – fjórgangur V2 og hindrunarstökk
Unglingar – fimmgangur F2 og hindrunarstökk
Ungmenni – fimmgangur F1 og hindrunarstökk
Selfossi í Sleipnishöllinni 31.mars 2019 umsjón Sleipnir, Ljúfur, Háfeti (æfingartími laugardaginn 30.mars kl 15-18:00)
Börn – tölt T7 og fimi A
Unglingar – tölt T3 og fimi A
Ungmenni – tölt og T1 og fimi A2
Í úrslitum í hringvallargreinum eru 10 í úrslitum og riðin A- og B-úrslit.
Fimi 1 umferð - enginn úrslit og forkeppni ræður sætaröðun
Smali 2 umferðir – samanlagður árangur úr báðum umferðum ræður sætaröðun.
Hindrunarstökk 2 umferðir – samanlagður árangur úr báðum umferðum ræður sætaröðun.
Farið verður eftir reglum Lh í hringvallargreinum og fimi. Þessar reglur er að finna inná lhhestar.is undir lög og reglur. Reglurnar fyrir fimina er að finna á sama stað nánar í kafla Gr 8.6.3.1 (börn og unglingar) og svo 8.6.3.2 fyrir ungmenni.
Reglurnar í smala og hindrunarstökks ásamt uppsetning brautar í hvorri grein fyrir sig verður birt síðar. Smali og hindrunarstökk er á tíma með refsistigum og að sjálfsögðu verður reiðmennska höfð i fyrirrúmi. Nánar um reglur og uppsetning brauta verður birt síðar.
Þátttökurétt hafa öll þau börn, unglingar og ungmenni í ofantöldum hestamannafélögum.
Hér er um einstaklingskeppni að ræða. Um tvo flokka verður að ræða og teljast stig alla þrjá dagana
Stigahæsti knapi í 3 greinum, hér eru allir knapar gjaldgengir sem keppa í 3 eða 4 greinum og gilda bestu 3. Stigahæsti knapi í 5 greinum, hér eru allir knapar gjaldgengir sem keppa í 5 eða 6 greinum og gilda bestu 5.
Stigagjöfin er á þessa leið knapi í fyrsta sæti fær 30 stig og knapi í 2 sæti fær 29 stig og svo koll af kolli.
Hver knapi getur einungis keppt á einum hesti í hverri grein.
Þátttökugjald í hverri grein er 2000kr
5 dómarar verða í hverri hringvallargrein, og misjafn í hinum greinunum.
Mótanefnd deildarinnar.
