Fréttir frá Stjórn
Enn eiga 72 félagsmenn ógreidd félagsgjöld ársins sem voru á eindaga 15.mars sl.
Þann 2.maí nk. munu þeir sem þá eiga ógreidd félagsgjöld verða felldir af félagatali Sleipnis / Felix
( ÍSÍ ) einnig lokast aðgangur að World Feng og reiðhöll.
Þess ber að geta að allt að tvo daga getur tekið að komast aftur inn í kerfi LH s.s. Sportfeng og Kappa .
Viðburðir á vegum félagsins / nefnda, hlýðnigerði / keppnisvellir og aðrar eignir Sleipnis eru eingöngu fyrir félagsmenn .
Stjórnin.
Aðalfundur Hestamannafélagins Sleipnis og Sleipnishallarinnar ehf. verður haldinn
miðvikudaginn 9.mars kl.20.00 í Hliðskjálf, Suðurtröð 6, Selfossi.
Dagskrá: Venjuleg aðalfundastörf og önnur mál.
Stjórn Sleipnis / Stjórn Sleipnishallarinnar ehf.
Reykjavík, 11. febrúar 2022
Afléttingar á sóttvarnarreglum hafa verið boðaðar og tekur ný reglugerð gildi á miðnætti. Reglur um sóttkví verða þó afnumdar strax í dag.
Helstu reglur er varða íþróttahreyfinguna verða eftirfarandi:
- Fjöldatakmarkanir fara úr 50 í 200 manns innandyra. Fjöldatakmarkanir utandyra falla úr gildi.
- Á íþróttaæfingum og í keppnum hjá börnum og fullorðnum innandyra verður heimilt að hafa allt að 200 manns í rými.
- Sameiginleg áhöld skulu áfram sótthreinsuð milli hópa og mikilvægt að loftræsting sé í lagi.
- Almennt gildir 1 metra regla í samfélaginu og skylt að nota grímu þar sem ekki verður hægt að viðhafa 1 metra nálægðartakmörkun.
- Börn fædd 2016 og síðar eru undanþegin nálægðartakmörkunum og börn fædd 2006 og síðar eru undanþegin grímuskyldu.
- Heimilaður fjöldi á sitjandi viðburðum verður 1000 manns í hverju rými að því gefnu að allir séu sitjandi, ekki andspænis hver öðrum og að allir beri andlitsgrímu.
- Reglur um sóttkví og smitgát falla úr gildi. Fólk er ekki lengur skylt til að fara í sóttkví eða smitgát en þó eru aðilar hvattir til þess að viðhafa smitgát og fylgjast vel með einkennum hafi það verið í nánum samskiptum við smitaðan einstakling og fara í PCR sýnatöku ef einkenni fara að gera vart við sig.
- Heilsu- og líkamsræktarstöðvar, sundstaðir og skíðasvæði geta tekið á móti leyfilegum fjölda miðað við hámarksfjölda gesta samkvæmt starfsleyfi.
Hér er hægt að sjá frétt á vef Stjórnarráðsins
Hér er hægt að sjá reglugerð um takmörkun á samkomum sem tekur gildi 12. febrúar
Hér er hægt að sjá minnisblað sóttvarnalæknis frá 9. febrúar
Á meðan við bíðum fregna af næstu afléttingum viljum við vekja athygli á því að 1 metra nálægðartakmörk gilda ekki lengur á sitjandi viðburðum. Því er hægt að nýta öll sæti á viðburðum svo lengi sem ekki eru fleiri en 500 í hverju hólfi.
Hér er hægt að sjá frétt á vef heilbrigðisráðuneytisins og hér er hægt að sjá breytingu á reglugerð
Ef marka má fréttir á RÚV má áætla að við fáum fregnir af frekari afléttingum eftir ríkisstjórnarfund á föstudaginn kemur. Hvað verður vitum við auðvitað ekki en við fylgjumst vel með.
Íþrótta- og Ólympíusamband Íslands
Reykjavík, 28. janúar 2022
Á miðnætti tekur gildi ný reglugerð um samkomutakmarkanir og eftirfarandi eru helstu atriði er snerta almenning og íþróttastarf í landinu:
- Almennar fjöldatakmarkanir fara úr 10 í 50 manns
- 1 metra regla mun taka gildi í stað 2 metra reglu
- Grímuskylda mun gilda áfram og tekur mið af nándarreglu
- Fjöldatakmarkanir í íþróttum verða áfram 50 manns
- Það verður heimilt að hafa allt að 500 manns í hverju hólfi í áhorfendasvæðum á íþróttaviðburðum
- Sundstaðir, líkamsræktarstöðvar og skíðasvæði fá að taka á móti allt að 75% af leyfilegum fjölda samkvæmt starfsleyfi.
Hér er hægt að lesa frétt á vef Heilbrigðisráðuneytisins en beðið er eftir að reglugerðin verði birt til að sjá frekari útfærslu á reglunum.
