Sérstakur Íþrótta og tómstundastyrkur

Published: 15 March 2021

Written by SRH

Opnað hefur verið fyrir umsóknir á sérstökum íþrótta- og tómstundastyrkjum fyrir börn sem búa á heimilum sem uppfylla tekjuviðmið, þar sem markmiðið er að jafna tækifæri þeirra til þátttöku í skipulögðu íþrótta- og tómstundastarfi. Styrkirnir koma til viðbótar hefðbundnum íþrótta- og tómstundastyrkjum sveitarfélaga.
Styrkurinn er greiddur vegna útlagðs kostnaðar við íþrótta- og frístundastarf á skólaárinu 2020-2021, allt að 45.000 kr. fyrir hvert barn.

Alls verður um 900 milljónum króna varið í verkefnið árin 2020 og 2021 en Ásmundur Einar Daðason, félags- og barnamálaráðherra, kynnti aðgerðina í s.l. vor sem hluta af aðgerðapakka sem ætlað til mótvægis áhrifum sem Covid-19 faraldurinn hefur haft á afkomu heimila í landinu.

Það sem hefur verið greitt umfram hefðbundin íþróttastyrk sveitafélaga 2020 er einnig styrkhæft með þessum sérstaka íþrótta og tómstundastyrk upp að hámarki 45.000 á barn.

Hægt er að sækja um styrk fyrir börn sem fædd eru á árunum 2005-2014. Styrkurinn er 45.000 kr. á hvert barn og um 13.000 börn eiga rétt á styrknum. Sveitarfélögin annast afgreiðslu styrkumsókna eftir að búið er að kanna rétt til styrksins inni á Ísland.is eða

Árborg:
https://www.arborg.is/ibuar/fristund-og-sundlaugar/serstakur-ithrotta-og-fristundastyrkur/

Enska / pólska : https://island.is/en/support-for-childrens-recreational-activities

Flóahreppur:

https://www.floahreppur.is/ithrotta-og-tomstundarstyrkur-barna/

Þjónustusamningur undirritaður

Published: 13 March 2021

Written by SRH

Síðastliðinn föstudag, 5.mars, var undirritaður þjónustusamningur milli Sveitarfélagsins Árborgar og Hestamannafélagsins Sleipnis um rekstrarstyrki og verkefni sem Sleipnir hefur umsjón með.
Það voru þau Gísli Halldór Halldórsson, bæjarstjóri og Sigríður Magnea Björgvinsdóttir, formaður Sleipnis sem undirrituðu samninginn sem gildir út árið 2021 með ákvæði um framlengingu.
Helstu atriði nýs samnings er að Hestamannafélagið Sleipnir býður sem áður upp á reiðnámskeið yfir sumartímann fyrir börn sem ekki hafa bakland í hestamennsku, kemur að viðburðum í samfélaginu líkt og 1.maí,17.júní og ákveðnum forvarnaverkefnum.
Sveitarfélagið styrkir félagið sérstaklega með greiðslu styrks vegna reksturs reiðhallarinnar, viðhalds á æfinga- og keppnisvöllum og afrekssjóðs sem er ætlað að styrkja íþróttamenn og þjálfara félagsins. Báðir aðilar mun síðan á árinu vinna áfram að framtíðarskipulagi hesthúsahverfisins á Selfossi, reiðvallar og reiðstíga út úr hverfinu.

Gísli H og Sigríður M

Ágætu Sleipnisfélagar

Published: 09 March 2021

Written by SRH

Stefnt er að vinnuhelgi vegna viðbyggingar Sleipnishallar dagana 11-12 mars nk.

Stefnt er að ísetningu á gaflglugga, frágang á gaflplötum og ef nægur mannskapur mætir, að klæða veggi langhliðar og ganga frá flasningum á hornum.

Það er herslumunur að (þetta er lokahnykkurinn til að ) ljúka þessum áfanga og gott væri ef menn sæju sér fært að koma bygginganefndinni til aðstoðar.

Gott væri að láta Jón Gunnars, 899-2802 vita af sér eða Magnús, 891-9588

Kveðja Bygginganefnd Sleipnishallar.

Skráning stendur yfir á 2.vetrarmót Sleipnis og Fururflísar

Published: 03 March 2021

Written by SRH

Skráningar eru í fullum gangi og verður mótið haldið laugardaginn 06.mars næstkomandi á Brávöllum.

Opið verður fyrir skráningar til kl. 20.00 föstudaginn 5.mars.

Mótið hefst sem kl 13:00.

Dagskrá

Pollaflokkur
Barnaflokkur
Unglingaflokkur
Ungmennaflokkur
Heldri menn og konur 55+
Áhugamenn & konur 2
Áhugamenn & konur 1
Opinn flokkur

Eins og á fyrsta mótinu verður skráning höfð í gegnum skráningaforritið Sportfeng.

https://skraning.sportfengur.com/Skraningkort.aspx?mode=add

Upplýsingar um skráningu og skráningargjald.

Til upplýsinga fyrir félagsmenn

Published: 08 March 2021

Written by SRH

Svokallaðri Uppsalaleið, sem lá m.a. um hlaðið í Sölvholti, hefur verið lokað.

Um það var samið á sínum tíma, þegar reiðvegur milli Gaulverjabæjarvegar og Villingaholtsvegar var lagður, að land úr Sölvholti, sem fór undir þann veg, kæmi í stað reiðleiðar sem var stundum farin gegnum hlaðið í Sölvholti.

Stjórnin

2.Vetrarmóti Sleipnis og Furuflísar frestað.

Published: 26 February 2021

Written by SRH

Vegna slæmrar veðurspár fyrir morgundaginn er 2. Vetrarmóti frestað til næsta laugardags, 6.mars.

Þær skráningar sem komnar eru koma til með að halda ser fram á næsta mót. Þeir sem vilja breyta eða afskrá af þeim sem skráðir eru skulu senda tölvupóst á vetrarmot@sleipnir.is

Vetrarmótsnefnd

Frá Ferðanefnd Sleipnis

Published: 07 March 2021

Written by SRH

Það eru spennandi tímar framundan. Næsta laugardag ætlum við að halda kynningarfund um Sumarferð 2021!
Kynningin fer fram í Hliðskjálf laugardaginn 13. mars kl. 11.

Næsta spennandi mál er Góureið. Ferðanefndin hefur í hyggju að efna til Góureiðar laugardaginn 13. mars. Hópreið niður í Kríu og til baka. Lagt yrði af stað kl. 14 frá reiðhöllinni. Á Kríunni verður grillmatur og aðrar veitingar til sölu. Áður en af Góureiðinni verður viljum við kanna hversu margir ætla með. Hakið við í könnun.

Kv. Benóný og Hrund

https://www.facebook.com/events/399074111436375/

Afsláttarkjör fyrir félagsmenn Sleipnis

Published: 25 February 2021

Written by SRH

Stjórn Sleipnis og Flügger litir Selfossi hafa gert með sér afsláttarsamning til handa félagsmönnum Sleipnis. Félagsmenn fá 20% staðgreiðslu- afslátt (greitt með greiðslukortum eða peningum ) af öllum sérmerktum Flügger vörum og allt að 40% afslátt af sértilboðum sem í boði verða u.þ.b mánaðalega.

Til að nýta afsláttinn þarf að vera félagsmaður í Sleipni og gefa upp nafn félagsins og eða kennitölu á afgreiðslukassa.

Skipulagsmál Sleipnis

Published: 03 March 2021

Written by Sigríður M. Björgvinsdóttir

Kæru félagsmenn Sleipnis,

ekki hefur tekist að halda aðalfund eða upplýsingafund fyrir félagsmenn vegna samkomutakmarkana en ykkur til upplýsingar vinnur stjórnin m.a. að skipulagsmálum sem tengjast tillögu um aðalskipulagsbreytingu og hefur þegar skilað inn umsögn stjórnar um þá breytingatillögu. Í framhaldinu var fundað með skipulagsfulltrúa um reiðvegamál og má finna báðar fundargerðir með því að smella á tenglana í textanum hér að framan.

Á fundi með verkefnastjórn um breytingar á aðalskipulagi sveitarfélagsins í vikunni kom fram að hesthúsahverfið er á sínum framtíðarstað og góður vilji er til að styðja við uppbyggingu þess þar.

Í breytingatillögu á aðalskipulagi Árborgar er lagt til að minnka framtíðarsvæði hestamannafélagsins um 5,8ha og í því ljósi höfum við skoðað aðra möguleika til stækkunar félagssvæðisins í framtíðinni.