Æskulýðsmál
Breytingar hafa verið gerðar á tímasetningum reiðnámskeiða, sjá neðangreinda töflu. Hópi "Börn-lengra komin" hefur verið skipt upp í tvo litla hópa til að ná betur utan um þau og styttist tíminn af þeim sökum. Aðrir tímar á þriðjudögum eru 50 mínútur. Næsta miðvikudag 9. febrúar mun hver nemandi fá 15 mínútur einn með kennara til að fara yfir og undirbúa stöðuprófið og koma nákvæmar tímasetningar fyrir hvern og einn fram í töflunni hér að neðan.
Reiðnámskeiðin hefjast þriðjudaginn 1. febrúar og eru tímasetningar og hóparöðun eins of fram kemur í töflunni hér fyrir neðan. Athugið að Þorvaldur reiðkennari ætlast til stundvísi og mun læsa meðan á kennslu stendur en nemendur næsta tíma geta mætt snemma og beðið á svæði austast í reiðhöllinni. Komið er inn með hestana um miðjudyrnar austan megin. Þeir sem hafa áhuga á að kynna sér knapamerkjakerfið sem er eina kennsluskráin sem við eigum fyrir reiðkennslu, geta skoðað http://knapi.holar.is/ en þar má finna upplýsingar um flest það er varðar fyrirkomulag þeirra.
Athugið að með því að smella á Reiðhöll Sleipnis hér til hliðar og Dagatal Reiðhallar sjást næstu viðburðir í reiðhöllinni og með því að smella á viðburð má sjá nafnalista hvers reiðtíma.
Ef eitthvað er óljóst eða spurningar vakna þá hafið samband í netföng rabbih@simnet.is eða sirry@simnet.is eða í síma 8971299 á virkum dögum og 8448000 um helgar.
- Reiðnámskeið Æskulýðsnefndar
- Námskeið 2011
- Kynningarfundur Æskulýðsnefndar
- Skráning hafin á Íslandsmót barna, unglinga og ungmenna 2010
- Vorferð Æskulýðsnefndar aflýst.
- Vorferð Æskulýðsnefndar
- Hestafjöri 2010 aflýst
- Búningafundur vegna Hestafjörs 2010
- Fræðslufundur æskulýðsnefndar vegna landsmóts
- Reiðnámsskeið
